Sagan af bláa hnettinum

Á bláum hnetti lengst úti í geimnum búa ótal börn sem fullorðnast ekki. Þetta eru eiginlega villibörn því enginn skipar þeim fyrir verkum. Börnin sofna þar sem þau verða þreytt og borða þegar þau eru svöng en leika sér þar sem þeim dettur í hug. Eitt kvöldið þegar Brimir og Hulda eru stödd í Svörtufjöru birtist stjarna á himni sem stefnir beint á þau! Stjarnan lendir í fjörunni með mikilli sprengingu en í reyknum mótar fyrir skuggalegri veru sem starir út í myrkrið. Þá hefst hættulegt ævintýri sem leiðir börnin um myrka skóga, djúpa dali og loftin blá. Reynir þá sem aldrei fyrr á vináttu og ráðsnilld barnanna á bláa hnettinum.

Sagan af Bláa hnettinum er komin út á rúmlega 30 tungumálum. Leikritið var sýnt í Þjóðleikhúsinu árið 2001 við miklar vinsældir og var sett upp í Toronto vorið 2005 og aftur 2013. Leikritið var tilnefnt til fimm Dora verðlauna í Torontó árið 2005. Það hefur einnig verið sett upp í Álaborg í Danmörku, Lahti og Vasa í Finnlandi, Maxim Gorky í Berlín, hjá Miniatura í Gdansk í Póllandi, Borgarleikhúsinu í Luzerne í Sviss og fjöldi áhugaleikhúsa um allan heim hefur sett upp verkið. Haustið 2016 var settur upp söngleikur um Bláa hnöttinn í leikgerð Bergs Þórs Ingólfssonar með tónlist Kristjönu Stefánsdóttur:

Sautjánþúsund Sólargeislar from Falcor on Vimeo.

Sagan af bláa hnettinum hlaut íslensku bókmenntaverðlaunin árið 1999, Janusz Korczak honorary award 2000 og Vestnorrænu Barnabókaverðlaunin 2001. Sagan hlaut Green Earth Book Award árið 2012 og UKLA verðlaunin í Bretlandi árið 2014.

Sagan af Bláa hnettinum er fáanleg á þessum tungumálum:

Brazil/Portugal (Hedra) Bulgaria (Ergon) China (Beijing Yuanliu Classic Culture, Ltd.) Denmark (Gads Forlag) Estonia (Eesti Raamat) Faroe Islands (Bókadeildin) Finland (Pieni Karhu) France (Gallimard) Germany (Leipziger Kinderbuchverlag) Greece (Patakis) Greenland (Atuakkiorfik) Iceland (Mal og menning) Italy (RCS Libri/Fabbri Editori) Japan (Gakken) Korea (Tin Drum Publishing) Lithuania (Zara) Macedonia (Antolog) Norway (Commentum/audiobook: Karviland) Poland (EneDueRabe) Romania (Paralela 45) Romania and Hungary (Koinónia, in Hungarian) Russia (OM Books) Spain (Omega) Sweden (Kabusa) Thailand (Image Publishing) Turkey (Pegasus Yayinlari) Taiwan (Commonwealth Publishing ) US/UK/Australia/ Canada (Seven Stories Press/Pushkin Press) Yugoslavia (Izdavacka Kuca Draganic)

Útgefandi: Mál og menning, Reykjavík, 1999.

Myndir: Áslaug Jónsdóttir.

95 bls.

ISBN: 9979-3-1892-9.

Land: Ísland.