Sagan af bláa hnettinum var endurútgefin í dag í Bretlandi hjá Pushkin Press, að þessu sinni í flokki „klassískra barnabóka“ í ritröðinni Pushkin Children’s Classics.
Fyrsta útgáfa hjá Pushkin Press var árið 2015, í enskri þýðingu Julian D’Arcy með myndum Áslaugar Jónsdóttur, en þremur árum áður hafði hún komið í fyrsta skipti út á ensku hjá Seven Stories Press í Bandaríkjunum.
Þýðingarnar eru í dag orðnar hátt í 40 og ég hef ekki lengur tölu yfir útgáfulöndin.
Leikritið sem byggir á bókinni hefur sömuleiðis verið sýnt víða um heim, en það sem af er árinu hafa uppsetningar verið í Búlgaríu, Flórída og á Akranesi.